Sunday 1 May 2011

Bin laden aiin Obama in a nei lian zawk

Bin Laden-a thi ta..
The late George Carlin kha min ti hrechhuak zawk mai a kei chu.. Napalm and Missiles tih satirical deuh nuihzathlak tak mai a sawi kha a hardcore fans te chuan vawiinni hian an hrechhuak ang tih ka ring.

George Carlin khan tihian a ti thin a. "Mipa hi chuan mahni thil size hi kan ngaipawimawh khawp mai a chuvang chuan keini aiia nei lian deuh hi chu kan ti thei lo riau thin" a tia a aia zahmawh lo deuhin  "Mipa hi chuan mahni chem hi hriam ber sela kan duh" tihna a ni maia .Obama chu a chem chu hriam zawk tak ani! Presidential Speech a zawh a thlunglu zo taka a kal phei ngauh ngauh mai te kha.. a chem hriam zia te ,a  thir that zia leh a pai pawh a nalh zia a entirna a nih ka ring kei chu. George Carlin khan" Bush a pawh kha Sadam an a neih len zawk a hlauh vangin  bomb ta mai anih kha" a tia .. dik hmel fu ni.. Missile leh nuclear war head te pawh hi kawhte shape vek a ni hrim hrim a.. "tu nei lian lian tihna angreng ani e" a tia lawm Carlin pawh khan

A hrimhrim thu in hmana Taj hotel an bawm vang khan emni keini hemi tawng hmang ho hi kan lo phul ve hlut le ka tia.. Kan foreign policy hi a khawih thuk takzet em? mi inchhiarzaulo tak ka nih vangin ka hre thuilo viau mai amaherawh chu mi thenkhat kei aia hre tlem ve leh zawk te lawm ve hlut satliah an tam viau mai"chawh" lo ti ve hle tur!Good Friday amaw Easter Sunday emaw ni aia sawi tur ngah fe fe kan tam dawn niin alang.(hetiang sakhaw ni hian engmah sawi tur ka neih belh hranlo kei chu ka tawngtam sa hrim hrim a)












Intawhlawi..

Kei hi a zeilo chi ka nia bike te hi ka khalh thiam ve lova, a leina tur ka neih loh chu thuhran lo nitasela.
Ke a kal hi ka uar angreng a, lirthei neih miau hek loh chuan optoin dang awm chuang lova, kalkawngah kan khawngkhawbai emaw bawkbawvak  peih te anih chuan thudang ni ta se.

Khawpui chhung lun lai a ke a kal tam chuan INTAWHLAWI chang hi a awm fo mai.aA bik takin foot path,checker-tile sen State sawrkar budget version ang chi 4-5ft vel leka zau ah hian a thleng zing deuhin ka hria.A dawt leh ah chuan, foot path a kal laiin hmalamah thir ban emaw kawng dal tu alo awma kawng pangai a han petek thlak hlim hian a ni duh bawk , a chhan chu  gypsy emaw car emaw parking area ni chiah lo vela mi hel a lo ngai a,kawngpui a motor kal ilo ri leh horn ri nen khawhmuh hi a tawi sam riau nen,  SPACE a tlem tawh lutuk thin a..

INTAWHLAWI pui tur hian duh thlan theih chu nise "pa" mah ni ila  thaw la lovin 17 vel chu ka sawi mai theiin ka ring a(hmingpum nilo ta sela), amaherawhchu INTAWHLAWI pui tur hi duhthlan theih ani si lova,Khansang deuh emaw, hniam emaw, Hnar tawk deuh emaw,Bagha vai ngalria mai mai pawh ni ta sela duh reng vang pawh nilova Khawchhak Martial arts films a an tih thin dan ang deuhva chibai  han inbuk tawn zauh zauh hi chuan nula lehnghal in Bike mawnger nalh ve pangai taka an ron ti dut dut te hi chu  hmuhnawm lamah a kal mawh khawp mai, chhe lo deuh pawh ni ta sela.

INTAWHLAWI hian mi hi an mizia tur awm ang deuh hi a hriat ve deuhva.
Patling kum 50 vel bawr hmel pu savun pheikhawk nalh ve pangai leh smart pants leh kamis offwhite lampang leh kekawr-in a chhawm nilo savun tha pangai kawnghren hreng an nih a vawi hnih chibai inbuk zuk zuk tawh poh a an nuih suk duh loh chuan kohhran upa emaw, sawrkar hnathawk hlawh tam ve pangai tak Loan a chhawng 3/4 lo sa khir tawh vel an ni duh tlangpui. Ke a a kal tlat chan erawh chu bike/car a neih loh vang lam nilovin , a kalna hmunin a zir loh vangin a bike/car chu a kal tumna ah tak a hung theilo tihna a ni duh viau.
Hmeichhia kum 16-20 bawr vel jeans emaw kekawr tight lampang ha anih a vawi khat chauh chibai in in buk chung pawh a a nuih saih che chuan Facebook pawh a ti ve thin tihna aninag nang ang thovin.smiling face hi kan intihhmuh a tunai thangthar hian, changkanna chikhat a ni ve hranpa a , a uihawm loh bawka thil tha tak ani ve hrim hrim bawk e.Vawi hnih chibai bukna ah a nuih suk chauh chuan, vawi khat buk na a nui ta mai ai kha chuan kohhran thalai ah a inhmang tam hret tihna ani duh a biktakin KTP ah(no offence! S.A.Y anih chuan buk vawi khat na-ah a nui ang,PYD leh adang chu ka hrelo .. duhleh blog dangah lo risk ve mai ru!)

Hmeichhia 30 and above a nih a buk 1 na ah poh a bak hluk a "aa"" a tih chuan han enchiang la rangkachak thi  pahnih emaw tal a awrh loh chuan hrawl ve tak pakhat a awrh tal ang.Chuan rangkachak zungbun pawh a kut veilam ah a bun ang 2 tal. Duh leh i kal pel hnu ah eiru nupui nge, sumdawng che ve thei pangai.. mahni duh dan dan a hisap zui tawh mai tur, rilru suk thlek zawng a in anglova!

Mipa 15-30  in chibai nawn lo mah ula  an nui tlangpui ang,KEIPAWH HEMI GROUP AH HIAN KA TEL,NUIH TE HI A NUAM KAN TI,  kei chuan "la ti leh thin ang aw" te pawh ka ti zui maithei zaidam hmel deuh te an nih chuan.